Nais kong magisnan ang bukang-liwayway
Na ikaw ang kasama
Madama ang simoy ng hangin
At lamig ng umaga
Nais kong hawakan ang iyong mga kamay
Sa tuwing titingin sa langit
Sabay nating bibilangin ang mga tala
Hanggang sa sila ay mawala
Nais kong masaksihan ang paglubog ng araw
Na ikaw ang kapiling
Ibubulong ko sa iyo ang nadarama
Kasabay ng paglamon ng dilim
Nais kong maramdaman ang ulan
Ang pagpatak nito sa pisngi’t katawan
At ang pagdampi ng iyong halik
Na sa aking puso’y di mawawaglit
image from http://www.flickr.com/photos/mar1lyn84/2722712047/
cecilia
